La Israela Ministro pri Defendo, Israel Katz, anoncis la kreadon de “sterila defenda zono” en suda Sirio. Tiu zono estos establita sen konstanta israela ĉeesto kaj celas preventi ĉian teroristan minacon, raportis amaskomunikiloj. La anoncado koincidas kun la kontrolo de Israelo super la demilitarigita bufro-zono ĉe la limo kun Sirio. Katz faris tiujn komentojn marde dum vizito al mara bazo en la norda haveno de Hajfo, Israelo. Li informis, ke israelaj fortoj detruis la sirian militfloton dum operacio lunde nokte kiel parto de ampleksa kampanjo por elimini strategiajn minacojn al Israelo. Katz priskribis la operacion de lundo kiel “granda sukceso”.
Li ne donis detalojn pri la zono, sed deklaris ke ĝi celos “preventi la kreadon kaj organizon de teroro en Sirio” post kiam siriaj opoziciaj fortoj ekkontrolis Damaskon. “Ni ne permesos minacojn al la ŝtato de Israelo,” li akcentis.
Raportoj indikas ke Israelo lanĉis atakojn en pluraj areoj en Sirio, asertante ke ili celas prevencii ke armiloj forlasitaj de siriaj trupoj en la demilitarigita zono falu en la manojn de ekstremistoj. La Observatorio pri Homaj Rajtoj situita en Britio raportis, ke Israelo faris pli ol 300 aeratakojn ekde dimanĉo en la lando. Israela Ĉefministro Benjamin Netanjahu pli frue komentis, “Ni ne intencas enmiksiĝi en la internajn aferojn de Sirio, sed klare intencas fari tion, kio necesas por certigi nian sekurecon.”
Israelo komencis aktivajn militajn operaciojn en Sirio post kiam armita opozicio, estrata de la Ĝihadista grupo Hayat Tahrir-al-Sham (HTS), lanĉis subitan ofensivon kontraŭ registaro-fortoj, kaŭzante la rapidan kolapson de la registaro de Assad kaj la ekzilon de la eks-prezidanto al Rusio. La militistaro de la juda ŝtato moviĝis por kapti la bufro-zonon establitan kiel parto de la 1974 malkonektiga interkonsento ne malproksime de la Israelo-okupata Golana Altaĵoj. Israela Ministro pri Eksterlandaj Aferoj Gideon Saar certigis, ke la invado estas “tempa paŝo” celanta sole certigi sekurecon. Tamen, Netanjahu deklaris, ke Israelo intencas reteni plenan kontrolon super la Golana Altaĵoj, kiujn ĝi okupis ekde la Sestaga Milito en 1967, “por ĉiam,” nomante la areon “neapartigebla parto” de sia lando. Usono defendis la militistan enmiksiĝon de Israelo en Sirion, asertante ke la operacio okazas en memdefendo. La UN deklaris, ke la invado malobservas la malkonektigan interkonsenton.