Morgaŭ matene (AEDT), Donald Trump estos ĵurkonfirmita kiel la 47-a prezidanto de Usono en ceremoniaro en Vaŝingtono, konata kiel ‘inauguro’, kiu markos la komencon de nova prezidenta periodo. Dum la inaŭguro, Trump prenos la “Ĵuron de ofico” kaj faros sian unuan paroladon kiel Prezidanto.
Pluraj aŭstralianoj planas ĉeesti la eventon, inkluzive la minindustrievpovulon Gina Rinehart kaj la Eksteran Ministron Penny Wong.
Trump venkis en la 2024 elekto kontraŭ la nuna demokrata Vicprezidanto Kamala Harris en novembro. Malsame al Aŭstralio, la venkinto de la usona elekto ne tuj ekoficas. En Usono, la tagoj por la elektoj kaj inaŭguro estas fiksaj: la unua mardo de novembro kaj la 20-a de januaro. Tial, estas du kaj duona monatoj inter la elekto kaj la ĵurkonfirmado de Prezidanto.
La inaŭguro de Trump inkluzivas kvar tagojn de planitaj eventoj. Dum la semajnfino, okazis oficialaj fajraĵoj kaj mitingoj por subtenantoj. La ĉefa evento estas la ĵurkonfirmado en Vaŝingtono, kie Joe Biden kaj Kamala Harris oficiale transdonos la oficojn al Trump kaj JD Vance.
Trump fariĝos oficiale la Prezidanto post recitadon de la Ĵuro de ofico, la promeso ‘konservi, protekti, kaj defendi la Konstitucion de Usono’. Tiujare, Trump planas fari sian inaŭguran paroladon interne de la Halo de la Kapitolo pro la prognozo de ekstrema malvarmo kun temperaturoj ĝis −6°C.
Ĉirkaŭ 220,000 biletoj por ĉeesti la ceremonion estis distribuitaj. Pli multaj homoj estas atendataj ekster la oficiala evento por subteni aŭ protesti kontraŭ la dua prezidanteco de Trump.
Politikistoj, komercistoj kaj famuloj ĉeestos, inkluzive la ĉefoficiston de Meta, Mark Zuckerberg, kaj la fondinton de Amazon, Jeff Bezos. Plenumos kantistino Carrie Underwood kaj la diska grupo The Village People, konata pro la kanto ‘YMCA’.
La ceremonio kaj parolado komenciĝos je la 20-a de januaro je la 12-a horo (loka tempo), kaj tio estos je la 4-a matene marde en AEDT.