La israela registaro aprobis la interkonsenton frue sabate post seshora kunsido. La batalhalto inter Israelo kaj Hamas en Gaza efektiviĝos dimanĉe je la 08:30 matene, laŭ la Ministerio pri Eksteraj Aferoj de Kataro. “Laŭ la interkonsento inter la partioj… la batalhalto en la Gaza Strio komenciĝos je 8:30. Ni konsilas al niaj gefratoj preni singardojn kaj atente sekvi oficialajn instrukciojn,” diris proparolanto Majed al-Ansari en afiŝo.
La interkonsento estis aprobita post pli ol 460 tagoj de konflikto, dum kiuj israelaj fortoj mortigis pli ol 46,788 palestinanojn kaj vundis 110,453. La interkonsento ankaŭ inkluzivas la liberigon de 33 kaptitoj en Gaza kontraŭ centoj da palestinanoj malliberigitaj en Israelo. La restaj kaptitoj inkluzive virosoldatoj estos liberigitaj en dua fazo.
Hamas kondiĉis, ke pliaj kaptitoj ne estos liberigitaj sen daŭra batalhalto kaj plena israela retiriĝo. La libana grupo Hezbollah, tra sia gvidanto Naim Qassem, gratulis la palestinanojn pri la interkonsento, emfazante “la persistemon de la rezisto” kontraŭ Israelo.
En Gaza, israelaj atakoj daŭras, kun multaj pereintoj. Medicinistoj en Gaza raportis, ke israela aeratako mortigis kvin homojn en la suda parto de la enklavo. La palestina novaĵagentejo Wafa anoncis, ke viro kun sia familio estis mortigitaj en tiu atako. Entute, almenaŭ 119 palestinanoj mortis de post la anonco de la batalhalta akordo.