La sekureckabineto de Israelo aprobinta interkonsenton kun Hamas pri kvietigo en Gazao kaj liberigo de ostaĝoj kaj kaptitoj. Nun ĝi iras al la plena kabineto por fina aprobo, kun kunveno planita por 3.30 p.m. loka tempo. Deklaro de la oficejo de Ĉefministro Benjamin Netanjahu diris, ke la aprobo venis ‘post ekzameno de ĉiuj politikaj, sekurecaj kaj humanitaraj aspektoj’ kaj kun kompreno, ke ĝi ‘subtenas la atingon de la celoj de la milito’.
La kvietigo povus komenciĝi dimanĉe, se aprobita. En sia unua fazo, la interkonsento liberigus 33 el la 98 ostaĝoj dum ses semajnoj. Pri duono de la 98 oni kredas ke estas vivaj. La ceteraj estos liberigitaj en dua fazo negocota dum la unua. Hamas deklaris, ke ĝi ne liberigos ĉiujn sen daŭra kvietigo kaj plena retiro de Israelo. Inter 990 kaj 1,650 palestinaj kaptitoj kaj arestitoj estos liberigitaj kiel kompenso, depende de la nombro de ostaĝoj liberigitaj.
Maldelikaj membroj de la koalicia registaro en Israelo kritikis la interkonsenton kiel cedon al Hamas, kaj sekurecministro Itamar Ben-Gvir minacis demisii se ĝi estos aprobita. Tamen li deklaris, ke li ne faligos la registaron kaj estas atendite, ke ministroj ĝin aprobos.
Israelaj atakoj daŭrigis en Gazao dume, kaj palestinaj oficialuloj diris ke 86 homoj mortis post kiam la interkonsento estis anoncita. Pli ol 46,000 homoj mortis en la ofensivo de Israelo en Gazao, plejparte virinoj kaj infanoj, laŭ oficialuloj tie. Ĉirkaŭ 1,200 estis murditaj en Israelo, kune kun tiuj kidnapitaj, en la oktobra 2023 terorista atako de Hamas kiu ekigis la militon.
Gvidado de Hamas en Gazao taksas ke 14 el ĉiu 15 hejmoj estis damaĝitaj dum la konflikto, kun kvin detruite. Israelo deklaris ke ĝi volas ekstermi la grupon kaj ke ĝi mortigis ĉirkaŭ 17,000 el ĝiaj batalistoj. Tamen ĝi estas akuzata pri ne sufiĉa protektado de civiluloj, kion ĝi neas, en milito kiu detruis Gazaon, delokigis centojn de miloj kaj lasis multe da mizeruloj.
La Monda Organizaĵo pri Sano laŭ la interkonsento diris ke eblas draste pliigi la helpon al Gazao ĝis ĉirkaŭ 600 kamionoj tage. Komence de januaro eniris averaĝe 51 laŭ datumoj de UN.