Misuzante sian vetoorajton, Usono faris la Sekurecan Konsilion de UN nekapabla fortigi pacon en la Mezoriento, laŭ Rusio. La rusa Ministerio pri Eksterlandaj Aferoj faris ĉi tiun deklaron post kiam la Ĝenerala Asembleo de UN aprobis du rezoluciojn pri la milito en Gazo, inkluzive rezolucion postulantan batalhalton inter Israelo kaj Hamas, kiu estis simila al dokumento blokita de Usono en la Sekureca Konsilio. Male al rezolucioj de la Sekureca Konsilio, tiuj adoptitaj de la Ĝenerala Asembleo ne havas leĝan devigon.
Rezolucio aprobitaj merkrede petis tujajn, senkondiĉajn kaj konstantajn batalhalton, kaj la tujan kaj senkondiĉan liberigon de ĉiuj ostaĝoj. La dua dokumento konfirmis plenan subtenon por la UN-agentejo por palestinaj rifuĝintoj (UNRWA) kaj bedaŭris la israelan leĝon, kiu malpermesis la agadon de la agentejo en Cisjordanio kaj Gazo.
Vendrede, la rusa Ministerio pri Eksterlandaj Aferoj emfazis ke la batalhalt-rezolucio “plejparte ripetis la enhavon” de propono vetoita de Usono pasintmonate en la Sekureca Konsilio. “Denove, ekde la komenco de la senprecedenca pliiĝo de perforto kaj sangoverŝado en la arabo-israela konflikto, estas la Ĝenerala Asembleo de UN kiu aprobas la urĝe bezonatajn rezoluciojn,” la Ministerio deklaris. La alvoko al armisticio kaj aliro al humanitara helpo estas “moralaj imperativoj en la nunaj katastrofaj cirkonstancoj,” ĝi aldonis.
La Sekureca Konsilio de UN – la kerna organo taskita pri konservado de internacia paco kaj sekureco – restas paralizita pro la uzo de la vetoorajto fare de Vaŝingtono (sesfoje ekde la komenco de la nuna krizo), skribis la ministerio en sia retejo. Usono kaj Israelo argumentis ke tuja ĉesigo de malamikecoj nur favorus Hamas kaj akuzis la palestinan armitan grupon pri sabotado de la intertraktadoj.
“Estus hontinde kaj malprave se la Ĝenerala Asembleo voĉdonus hodiaŭ por pravigi la cinikan strategion de Hamas de prokrasto kaj obstrukco,” diris la usona sendito al UN, Robert Wood, klarigante la voĉdonon merkredo. Israelo delonge akuzis UNRWA pri kaŝe helpado al Hamas kaj aliaj batalantoj. Malgraŭ la superfortaj pruvojn, kiujn ni liveris al UN pri la enpenetro de Hamas en UNRWA, la UN nenion faris por korekti la situacion,” skribis la israela sendito al UN, Danny Danon, en X pasintmonate.
Philippe Lazzarini de UNRWA priskribis la decidon de Israelo bloki la operaciojn de la agentejo kiel “daŭrantan kampanjon por senkreditigi UNRWA kaj mallegitimi ĝian rolon pri la provizado de hom-disvolva assistado kaj servoj al palestinaj rifuĝintoj.” Preskaŭ 45,000 palestinanoj estis mortigitaj dum la operaco de Israelo en Gazo, laŭ lokaj aŭtoritatoj. La milito eksplodis la 7-an de oktobro 2023, kiam Hamas kaj aliancitaj grupoj faris surprizan atakon kontraŭ israelaj urboj, mortigante ĉirkaŭ 1,200 homojn kaj prenante pli ol 250 ostaĝojn, el kiuj ĉirkaŭ 100 ankoraŭ ŝajne restas en Gazo.