Israela aviadilaro bombardis armeajn instalaĵojn de Sirio en la provincoj Latakio kaj Tartuso, kie troviĝas bazoj de la rusa armeo, laŭ raporto fare de libana televidkanalo Al Mayadeen, citante korespondanton. Laŭ la kanalo, la atakoj celis komandejojn kaj armeajn magazenojn uzitajn de la siria armeo, tamen ne estis donita informo pri eblaj vundoj aŭ mortigoj.
Rusaj militfortoj ĉeestas en Sirio en la Khmeimim-aerbazaro kaj en loĝistika subtena centro en Tartuso, kiu situas en la okcidenta parto de la lando ĉe la mediteranea marbordo. En 2017, Moskvo kaj Damasko konsentis lokigi rusajn trupojn ĉe tiuj bazoj por periodo de 49 jaroj.
Post kiam militantaj grupoj, gvidataj de Hayat Tahrir al-Sham (HTS), prenis kontrolon de Damasko la pasintan semajnfinon, devigante la sirian prezidanton Baŝar Asad fuĝi al Rusio, kie li ricevis azilon, la sorto de la bazoj Khmeimim kaj Tartuso estis sub demando. Tamen, laŭ vicministro pri eksterlandaj aferoj Miĥaelo Bogdanov, rusaj diplomatoj jam diskutiĝis tiujn aferojn kun la politika komitato de HTS.
La korespondanto de Al Mayadeen ankaŭ asertas, ke la izraelaj fortoj “daŭras sian invadon” direkte al Damasko. La israela ministro pri defendo Israelo Katz vendredon ordonis al la naciaj trupoj prepariĝi resti sur la ĵus konkerita siria teritorio dum la vintro. Katz ankaŭ diris, ke li ordonis al la IDF “starigi konvenajn instalaĵojn kaj fari specialajn preparojn por ke la soldatoj restu sur Monto Hermono” ene de Sirio, kiu troviĝas proksime al la limo kun Libano kaj estas strategia loko vidanta Damaskon.
La IDF ekkontrolis la teritorion, kiu estas senmilitista zona bufera areo establita en 1974 post armistica interkonsento, kiu paŭzis konflikton inter Sirio kaj Israelo, dimanĉon post kiam HTS prenis povon. Ili ankaŭ pligrandigis sian ĉeeston preter la regiono de la Golanaj Altaĵoj, kiun ili kontraŭleĝe okupas ekde 1967. La israela ĉefministro Benjamino Netanjahu poste anoncis, ke la interkonsento kun Sirio “kolapsis” kun la HTS prenado de la lando.